Print
News and Activities
Hits: 2056

ကျောက်ဖြူ၊ (၂၆၊ ဖေဖော်ဝါရီလ၊ ၂၀၁၉)
ရခိုင်ပြည်နယ်၊ ကျောက်ဖြူခရိုင်၊ ကျောက်ဖြူမြို့နယ်တွင် မြန်မာနိုင်ငံကျန်းမာရေးမှူး အသင်း၏ စီမံချက်ဝန်ထမ်းများမှ ကျောက်ဖြူမြို့နယ် မြန်မာနိုင်ငံကျန်းမာရေးမှူးအသင်းအား "ကျန်းမာရေးဝန်ဆောင်မှု လက်လှမ်းမီစွာ ရရှိရေးစီမံချက်" နှင့်ပတ်သက်ပြီး တွေ့ဆုံအသိပေး ရှင်းလင်းခြင်း အခမ်းအနားကို ဖေဖော်ဝါရီလ ၂၆ ရက်နေ့ ညနေ ၄ နာရီအချိန်တွင်ကျောက်ဖြူ မြို့နယ် မြန်မာနိုင်ငံကျန်းမာရေးမှူးအသင်းရုံး၌ ကျင်းပပြုလုပ်ခဲ့ပါသည်။

 ph2


ပထမဦးစွာ မြန်မာနိုင်ငံ ကျန်းမာရေးမှူးအသင်း ၏ စီမံချက်ဝန်ထမ်းများနှင့် ကျောက်ဖြုမြို့ နယ် မြန်မာနိုင်ငံ ကျန်းမာရေးမှူး အသင်းဝင်များ အားလုံးမှ အပြန်အလှန် မိတ်ဆက်ကြပါသည်။ အဖွင့်အမှာစကားကို ကျောက်ဖြုမြို့နယ် မြန်မာနိုင်ငံ ကျန်းမာရေးမှူးအသင်း ဥက္ကဌ ဆရာဦးမိုးကျော်ကျော်မှ ပြောကြားခဲ့ပါသည်။ ထို့နောက် မြန်မာနိုင်ငံ ကျန်းမာရေးမှူး အသင်း၏ စီမံချက်အရာရှိ ဦးဇော်ထက်အောင်မှ စီမံချက်ဆိုင်ရာလုပ်ငန်းများအကြောင်းကို တက်ရောက်လာသော အသင်းဝင်များအား ရှင်းလင်းပြောကြားခဲ့ပါသည်။

ph 3

စီမံချက် လုပ်ငန်းများကို ရှင်းလင်းတင်ပြပြီးနောက် ကြွရောက်လာကြသော အသင်းဝင်များမှ မေးမြန်းသော အကြောင်းအရာများကို စီမံချက် ဝန်ထမ်းများမှ ပြန်လည်ဖြေကြားခဲ့ပါသည်။ မြန်မာနိုင်ငံ ကျန်းမာရေးမှူး အသင်းဝင် ဆရာဦးခင်မောင်ဖြိုးမှ နိဂုံးချုပ်အမှာစကားပြောကြားပြီး အခမ်းအနားကို အောင်မြင်စွာ ကျင်းပခဲ့ပါသည်။ အခမ်းအနားသို့ မြန်မာနိုင်ငံ ကျန်းမာရေးမှူးအသင်းဝင် ( ၈ ) ဦး နှင့် စီမံချက်ဝန်ထမ်း ( ၉ ) ဦး တို့တက် ရောက်ခဲ့ကြပါသည်။

ပြန်ကြားရေး/ မြန်မာနိုင်ငံကျန်းမာရေးမှူးအသင်း