ရန်ကုန်၊ (မေလ ၁၂ရက် ၂၀၁၉ ခုနှစ်)

အခြေခံ ကျန်းမာရေးဝန်ထမ်းများ၏ လုပ်ငန်းစွမ်းဆောင်ရည် တိုးတက်ရေးအထောက်အကူဖြစ်စေရန် ရည်ရွယ်၍ စစ်ကိုင်းတိုင်း ကလေးဝမြို့နယ် ပြည်သူ့ကျန်းမာရေးဦးစီးဌာနမှ အခြေခံကျန်းမာရေးဝန်ထမ်းများအား (၄)ရက်တာ လေ့လာရေးခရီးစဉ်ပို့ဆောင်ပေးခဲ့သည်။
ကလေးဝမြို့နယ် ပြည်သူ့ကျန်းမာရေးဦးစီးဌာန အခြေခံကျန်းမာရေးဝန်ထမ်း စုစုပေါင်း (၂၉) ဦးသည် မေလ (၈) ရက် ညနေပိုင်းတွင် ကလေးဝမြို့မှ ရန်ကုန်မြို့သို့ ထွက်ခွာခဲ့ကြပြီး နောက်တစ်နေ့(မေလ ၉ ရက်) နံနက်ပိုင်းတွင် ရန်ကုန်မြို့သို့ ရောက်ရှိခဲ့ဲကြသည်။

ထိုနေ့ (မေလ ၉ ရက်) နံနက် ၉ နာရီတွင် ရန်ကုန်မြို့ မြန်မာနိုင်ငံကျန်းမာရေးမှူးအသင် အဆိုပါ အခြေခံကျန်းမာရေးဝန်ထမ်းများအား မြန်မာနိုင်ငံကျန်းမာရေးမှူးအသင်း ဥက္ကဌ ဦးမျိုးသွင်၊ ဒု-ဥက္ကဌ ဦးမြသွင်၊ ဗဟိုအလုပ်အမှုဆောင်အဖွဲ့များနှင့် မြန်မာနိုင်ငံကျန်းမာရေးမှူးအသင်း စီမံချက်ဝန်ထမ်းများက ကြိုဆိုနှုတ်ဆက်ခဲ့ကြသည်။
ကြိုဆိုနှုတ်ဆက်ပွဲအခမ်းအနားတွင် မြန်မာနိုင်ငံကျန်းမာရေးမှူးအသင်း ဥက္ကဌ ဦးမျိုးသွင်က “ကျွန်တော်တို့ ကျန်မားရေးမှူးအသင်းကနေ အခြေခံကျန်းမာရေးဝန်ထမ်းတွေကို အခုလိုခရီးစဉ်တွေပို့ဆောင်ပေးရတဲ့ရည်ရွယ်ချက်က ပြည်သူတွေကို ကျန်းမာရေးဝန်ဆောင်မှုပေးနေရတဲ့ ကျန်းမာရေးဝန်ထမ်းတွေအနေနဲ့ အလုပ်ခွင်မှ တက်တက်ကြွကြွနဲ့ လုပ်ကိုင်နိုင်ဖို့ ကျန်းမာရေးမှူးအသင်းရဲ့ လုပ်ကိုင်ဆောင်ရွက်မှုတွေကို သိရှိစေဖို့နဲ့ လုပ်ငန်းခွင်ဆိုင်ရာကိစ္စတွေမှာ အခြေခံကျန်းမာရေးဝန်ထမ်းများနဲ့ ကျန်းမာရေးမှူးအသင်းဝန်ထမ်းတွေ အချင်းချင်းပိုမိုပူးပေါင်းဆောင်ရွက်နိုင်အောင် အခုလိုခရီးစဉ် စီစဉ်ဆောင်ရွက်တာဖြစ်တယ်။” ဟု ပြောကြားခဲ့သည်။

မြန်မာနိုင်ငံကျန်းမာရေးမှူးအသင်း၏ စီစဉ်မှုဖြင့် ကလေးဝမြို့နယ် ပြည်သူ့ကျန်းမာရေးဦးစီးဌာန အခြေခံကျန်းမာရေးဝန်ထမ်း စုစုပေါင်း (၂၉) ဦးကို ရန်ကုန်မြို့ရှိ တန်ခိုးကြီးဘုရားများ သန်လျင်မြို့ ရေလည်ကျောက်တန်း၊ ဧရာဝတီတိုင်း ချောင်းသာ စသည့်နေရာများသို့ ပို့ဆောင်ပေးခဲ့သည်။

ကလေးဝမြို့နယ် ပြည်သူ့ကျန်းမာရေးဦးစီးဌာန ကျန်းမာရေး ကြီးကြပ် (၂) ဒေါ်ထက်ထက်အောင်က “အခုလိုမြန်မာနိုင်ငံကျန်းမာရေးမှူးအသင်းကလေ့လာရေးခရီးစဉ် စီစဉ်ပေးတဲ့အတွက် ခရီးစဉ်မှာ အစစအရာ လိုလေးသေးမရှိအောင် စီစဉ်ပေးတဲ့အတွက် ကျေးဇူးတင်ပါတယ်။ ခရီးစဉ်ကနေ လုပ်ငန်းတဲ့ပတ်သက်တဲ့အကြောင်းအရာတွေ သိရှိခွင့်ရတဲ့အတွက် ဗဟုသုတတွေရတယ်။ မရောက်ဖူးတဲ့ နေရာတွေကို လိုက်ပို့ပေးလို့ အတွေ့အကြုံသစ်အမြင်သစ်တွေလည်း ရရှိခဲ့ပါတယ်။” ဟု ခရီးစဉ်နှင့် ပတ်သက်ပြီးပြောကြားခဲ့သည်။

ကလေးဝမြို့နယ် မစိန်တိုက်နယ် ကျန်းမာရေးဌာနမှ ဒေါ်အိအိနိုင်ကလည်း လေ့လာရေးခရီးစဉ်ပို့ ဆောင်ပေးခြင်းအတွက် မြန်မာနိုင်ငံကျန်းမာရေးမှူးအသင်းအား ကျေးဇူးတင်ကြောင်းနှင့် ခရီးစဉ်တွင် အဆင်ပြေချောမွေ့စွာလည်ပတ်နိုင်ခဲ့သည့်အတွက် ကူညီထောက်ပံ့ပေးသူများအားလုံးအား ကျေးဇူးတင်ကြောင်း ပြောကြားခဲ့သည်။

ပြန်ကြားရေး၊ မြန်မာနိုင်ငံကျန်းမာရေးမှူးအသင်း

 

Images Gallery

မြန်မာနိုင်ငံကျန်းမာရေးမှူးအသင်းမှ ကလေးဝမြို့နယ် ပြည်သူ့ကျန်းမာရေးဦးစီးဌာန အခြေခံကျန်းမာရေးဝန်ထမ်းများအား (၄)ရက်တာ လေ့လာရေးခရီးစဉ်ပို့ဆောင်ပေး