ရန်ကုန် ( ဇူလိုင် ၇ ရက်၊ ၂၀၂၀ ခုနှစ်)
မြန်မာနိုင်ငံကျန်းမာရေးမှူးအသင်း ဗဟိုအလုပ်အမှုဆောင်အဖွဲ့နှင့် စီမံချက်ဝန်ထမ်းသစ်များတွေ့ဆုံပွဲ ကို ဇူလိုင်လ ၇ ရက်နေ့က မြန်မာနိုင်ငံကျန်းမာရေးမှူးအသင်း (ဗဟို) ရှိ ဦးထွန်းကြည်ခန်းမ တွင် ပြုလုပ်ခဲ့သည်။
အဆိုပါ တွေ့ဆုံပွဲတွင် မြန်မာနိုင်ငံကျန်းမာရေးမှူး ဗဟိုအလုပ်အမှုဆောင် အဖွဲ့ဝင်များဖြစ်သော ဥက္ကဌ ဦးမြသွင်၊ ဒုဥက္ကဌ ဦးဌေးအောင်၊ အတွင်းရေးမှူး ဦးဇော်နိုင်၊ ဘဏ္ဍာရေးမှူး ဦးကိုကို၊ မြန်မာနိုင်ငံကျန်းမာရေးမှူးအသင်း စီမံချက် အကြီးအကဲများနှင့် ဝန်ထမ်းသစ်များ စုစုပေါင်း (၃၅) ဦးခန့် ပါဝင်တက်ရောက်ခဲ့ကြသည်။
အခမ်းအနားတွင် ဗဟိုအလုပ်အမှုဆောင်တစ်ဦးချင်းစီမှ မိတ်ဆက်စကားပြောကြားခဲ့ကြသည်။ ထို့နောက် လုပ်ငန်းပိုင်ဆိုင်ရာ ကိစ္စရပ်များအလိုက် ဆွေးနွေးခဲ့ကြပြီး ဗဟိုအလုပ်အမှုဆောင်တို့၏ စီမံချက်လုပ်ငန်းပိုင်းဆိုင်ရာ ကိစ္စရပ်များအပေါ်တွင် ဆွေးနွေးအကြံပြုခဲ့ကြသည်။
ပြန်ကြားရေး / မြန်မာနိုင်ငံကျန်းမာရေးမှူးအသင်း
