ညောင်ဦးမြို့နယ် (စက်တင်ဘာလ ၅ ရက်၊ ၂၀၂၀ ခုနှစ်)
 
လတ်တလော ဖြစ်ပွားနေသော COVID-19 ရောဂါကာကွယ်တားဆီးထိန်းချုပ်ရေးအတွက် မြန်မာနိုင်ငံကျန်းမာရေးမှူးအသင်း (မန္တလေးတိုင်း‌ဒေကြီး) နာယကဒေါက်တာ သန်းသန်းမြင့်(တိုင်းပြည်သူ့ကျန်းမာရေးဦးစီးဌာနမှူး)၏ လမ်းညွှန်မှုဖြင့် မြန်မာနိုင်ငံကျန်းမာရေးမှူးအသင်း(မန္တလေးတိုင်းဒေသကြီး)၊ မြန်မာနိုင်ငံကျန်းမာရေးမှူးအသင်း(ညောင်ဦး)နှင့် ပြည်သူ့ကျန်းမာရေးကြီးကြပ်အသင်း(ညောင်ဦး) တို့ပူးပေါင်းပြီး နှာခေါင်းစည်းများအခမဲ့ဖြန့်ဝေခြင်း (Masks Campaign)ကို စက်တင်ဘာလ(၅)ရက်နေ့ နံနက်ပိုင်းက ညောင်ဦးမြို့နယ်၊‌ တောင်ဇင်းအုပ်စု၊ ဗျတ္တဈေး၌ ပြုလုပ်ခဲ့သည်။

ရှမ်းပြည်နယ် (စက်တင်ဘာလ ၄ ရက်၊ ၂၀၂၀ ခုနှစ်)
 
ရှမ်းပြည်နယ် (အရှေ့ပိုင်း)တွင် ဆုံဆို့နာရောဂါ ကပ်အသွင်ဖြစ်ပွားလျှက်ရှိပြီး ရောဂါကာကွယ်နှိင်နင်းရေးလုပ်ငန်းများတွင် ကျန်းမာရေးနှင့် အားကစားဝန်ကြီးဌာနနှင့်အတူ မြန်မာနိုင်ငံကျန်းမာရေးမှူးအသင်း စီမံချက်ဝန်ထမ်းများမှ ပါဝင်ကူညီဆောင်ရွက်လျှက်ရှိသည်။

ဗန်းမော် (သြဂုတ်လ ၂၇ ရက်၊ ၂၀၂၀ခုနှစ်)
 
(၂၀၂၀) ပြည့်နှစ်အာဟာရဖွံ့ဖြိုးရေး ရက်သတ္တပတ် အထိမ်းအမှတ်အခမ်းအနားကို သြဂုတ်လ (၂၇) ရက်နေ့တွင် ကချင်ပြည်နယ်၊ ဗန်းမော်မြို့၊ ကံကြီးကျေးရွာ ဘုန်းတော်ကြီးကျောင်း၌ ပြုလုပ်ခဲ့ကြသည်။

မန္တလေး (သြဂုတ်လ ၂၃ ရက်၊ ၂၀၂၀ ခုနှစ်)

မြန်မာနိုင်ငံကျန်းမာရေးမှူးအသင်း (မန္တလေးတိုင်းဒေသကြီး) အလုပ်အမှုဆောင်အစည်းအဝေး(၂/၂၀၂၀)ကို သြဂုတ် (၂၃ ) ရက် နံနက်ပိုင်းက မန္တလေးမြို့၊ ပြည်ကြီးတံခွန်မြို့နယ်ရှိ ပြည်သူ့ကျန်းမာရေးဌာနအစည်းအဝေးခန်းမတွင် ကျင်းပပြုလုပ်ခဲ့ပြီး မြန်မာနိုင်ငံကျန်းမာရေးမှူးအသင်း (ဗဟို) ဥက္ကဌနှင့်အတွင်းရေးမှူး၊ တိုင်းနှင့် ခရိုင်ဥက္ကဌများ၊ တိုင်းအမှုဆောင်အဖွဲ့များ၊ အကြံပေးအဖွဲ့များ၊ လုပ်ငန်းဆောင်ရွက်ရေးအဖွဲ့များ၊ ပြန်ကြားရေးအဖွဲ့များစုစုပေါင်း (၂၃) ဦး တက်ရောက်ကြသည်။

ကျောက်ဆည် (သြဂုတ်လ ၂၂ ရက်၊ ၂၀၂၀ ခုနှစ်)

မြန်မာနိုင်ငံကျန်းမာရေးမှူးအသင်း (ကျောက်ဆည်ခရိုင်) အစည်းအဝေးကို သြဂုတ်လ ၂၂ရက် နံနက်ပိုင်းက မြစ်သားမြို့ ပြည်သူ့ကျန်းမာရေးအစည်းအဝေးခန်းမ၌ ကျင်းပရာ မြစ်သားမြို့ ကျန်းမာရေးမှူးအသင်းနာယက ဒေါက်တာစိန်ပို၊ ဗဟိုအသင်းနာယကဦးချစ်‌‌သောင်း၊ မန္တလေးတိုင်းဒေသကြီးကျန်းမာရေးမှူးအသင်းဥက္ကဌ ဦးလှဟန်၊‌ ကျောက်ဆည်ခရိုင်ကျန်းမာ‌ရေးမှူအသင်းဥက္ကဌ ဦးသိန်းလှိုင်နှင့် မြို့နယ်ဥက္ကဌများ၊ အသင်းသားများ၊ခရိုင်ကျန်းမာရေးကြီးကြပ်အသင်းမှဖိတ်ကြားထားသူများတက်ရောက်ကြသည်။