( ၉ရက် ၊ ဧပြီလ၊ ၂၀၁၉ ခုနှစ် )
မြန်မာနိုင်ငံကျန်းမာရေးမှူးအသင်း (မအူပင်ခရိုင်)၏ (၄)လပတ်လုပ်ငန်းညှိနှိုင်းဆွေးနွေးပွဲနှင့် (၅)နှစ်စာ မဟာဗျူဟာစီမံကိန်း လုပ်ငန်းရှင်းလင်းပွဲကို ဧပြီလ ၉ ရက်က ဓနုဖြူမြို့နယ် ပြည်သူ့ကျန်းမာရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။
ယင်းအခမ်းအနားသို့ ဓနုဖြူမြို့နယ် အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး၊ မြို့နယ်စည်ပင်သာယာရေးကော်မတီမှ ကော်မတီ ဥက္ကဌ၊ မြို့နယ် ပြည်သူ့ကျန်းမာရေးဦးစီးဌာနမှ ဦးစီးဌာနမှူး၊ မြန်မာနိုင်ငံကျန်းမာရေးမှူးအသင်း (ဗဟို)မှ ဒုဥက္ကဌ၊ အတွင်းရေးမှူး နှင့် စီမံချက်အဖွဲ့ဝင်များ တက်ရောက်ပါဝင်ခဲ့ကြသည်။
အခမ်းအနားတွင် မြန်မာနိုင်ငံကျန်းမာရေးမှူးအသင်း (ဗဟို)၏ တာဝန်ရှိသူများသည် မြန်မာနိုင်ငံကျန်းမာရေးမှူးအသင်းမှ ဆောက်ရွက်မည့် (၅) နှစ်စာ မဟာဗျူဟာစီမံကိန်း (၂၀၁၉-၂၀၂၃) လုပ်ငန်းစဉ်များကို ရှင်းလင်းပြောကြားခဲ့ပါသည်။
မအူပင်ရှိ မြို့နယ် (၄)မြို့နယ်၏ ၂၀၁၉ ခုနှစ် ပထမ (၄) လပတ်အစည်းအဝေးကို ခရိုင်ဥက္ကဌ၊ အတွင်းရေးမှူးနှင့် CEC များ၊ သူနာပြု ဆရာမကြီးများ၊ ဘက်စုံသားဖွားဆရာမများ စုံလင်စွာ တက်ရောက်ခဲ့ကြပါသည်။
ပြန်ကြားရေး/မြန်မာနိုင်ငံ ကျန်းမာရေးမှူးအသင်း
