ချင်းပြည်နယ်၊ မတ်(၁၇) ၊ ၂၀၂၀ ခုနှစ်
မြန်မာနိုင်ငံကျန်းမာရေးမှူးအသင်း (ချင်းပြည်နယ်) မှ လေးလပတ်အစည်းအဝေးကို မတ်လ ၁၇ ရက်နေ့က ချင်းပြည်နယ် ပြည်သူ့ကျန်းမာရေး ဦးစီးဌာနမှူးရုံးတွင် ပြုလုပ်ခဲ့ပြီး ချင်းပြည်နယ်အတွင်းရှိ မြို့နယ် (၉) မြို့နယ်မှ မြို့နယ်အမှုဆောင်များ အပါအဝင် စုစုပေါင်း (၁၅) ဦးတက်ရောက်ခဲ့သည်။
အစည်းအဝေးတွင် အသင်းမြေနေရာရရှိရေး ၊ အသက် ၇၅ နှစ်နှင့်အထက် ကျန်းမာရေးမှူးများစာရင်းကို ကောက်ယူရေး၊ အသင်းဝင်ကဒ်များအား Smart Card အဖြစ်ပြောင်းပေးနိုင်ရေး နှင့် Khon Kean University တွင် MPH ဘွဲ့ တက်ရောက်လိုသော ကျန်းမာရေးမှူးများ တက်ရောက်ခွင့် ရရှိရေး အပြင် ပြည်နယ်အသင်း၏ ရှေ့လုပ်ငန်းစဉ်များအကြောင်းကို ဆွေးနွေးခဲ့ကြသည်။
ပြန်ကြားရေး/မြန်မာနိုင်ငံကျန်းမာရေးမှူးအသင်း
