သံတွဲ ( နိုဝင်ဘာလ ၁၈ ရက်နေ့ ၊ ၂၀၂၀ ခုနှစ်)
ပြည်သူလူထုအတွင်း Covid-19 ရောဂါ ကူးစက်ပျံ့နှံ့မှုများလျော့ကျစေရန်ရည်ရွယ်ချက်ဖြင့် ပြုလုပ်သည့် Mask Campaign ကို နိုဝင်ဘာလ (၁၈) ရက်နေ့တွင် မြန်မာနိုင်ငံကျန်းမာရေးမှူးအသင်းနှင့် သံတွဲ မြို့နယ်ဌာနဆိုင်ရာအဖွဲ့များ ပူးပေါင်းပါဝင်၍ ပြုလုပ်ခဲ့ကြသည်။
Covid-19 ရောဂါကာကွယ်ခြင်း အသိပညာပေးရန် ရည်ရွယ်ချက်ဖြင့် မြန်မာနိုင်ငံကျန်းမာရေးမှူးအသင်း ၊ သံတွဲမြို့နယ် ပြည်သူ့ကျန်းမာရေးဦးစီးဌာန ၊ သံတွဲမြို့နယ်ရဲတပ်ဖွဲ့၊ မီးသတ်တပ်ဖွဲ့ ၊ မြို့နယ်စည်ပင်သာယာရေးဦးစီးဌာနတို့ ပူးပေါင်း၍ နှာခေါင်းစည်း နှင့် Face Shield များ မျှဝေခြင်း ၊အသိပညာပေးခြင်းများကို သံတွဲမြို့မဈေးနှင့် ဒွါရာဝတီတံတားထိပ်တို့တွင် ပြုလုပ်ခဲ့ကြောင်းသိရသည်။
