အမ်းမြို့နယ် ( နိုဝင်ဘာလ ၁၆ ရက်နေ့ ၊ ၂၀၂၀ ခုနှစ်)
ပြည်သူလူထုအတွင်း Covid-19 ရောဂါ ကူးစက်ပျံ့နှံ့မှုများလျော့ကျစေရန်ရည်ရွယ်ချက်ဖြင့် ပြုလုပ်သည့် Mask and Face Shield Campaign ကို နိုဝင်ဘာလ (၁၆) ရက်နေ့တွင် မြန်မာနိုင်ငံကျန်းမာရေးမှူးအသင်းနှင့် အမ်းမြို့နယ်ဌာနဆိုင်ရာအဖွဲ့များ ပူးပေါင်းပါဝင်၍ ပြုလုပ်ခဲ့ကြသည်။
Covid-19 ရောဂါကာကွယ်ခြင်း အသိပညာပေးရန် ရည်ရွယ်ချက်ဖြင့် အမ်းမြို့နယ် ပြည်သူ့ကျန်းမာရေးဦးစီးဌာန၏ လမ်းညွှန်မှုအစီအစဉ်ဖြင့် အမ်းမြို့နယ် ပြည်သူ့ကျန်းမာရေးဦးစီးဌာန ၊မြန်မာနိုင်ငံကျန်းမာရေးမှူးအသင်း၊ အမ်းမြို့နယ်ရဲတပ်ဖွဲ့၊ မြို့နယ်အုပ်ချုပ်ရေးဦးစီးဌာန ၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ လူမှုဝန်ထမ်းဦးစီးဌာနတို့နှင့် ပူးပေါင်း၍ နှာခေါင်းစည်း နှင့် Face Shield များ မျှဝေခြင်း ၊အသိပညာပေးခြင်းများကို အမ်းမြို့နယ်ရှိ မြို့သစ်ဈေး၊ မြို့ဟောင်းဈေး နှင့် အောက်ရွာဈေးတို့တွင် ပြုလုပ်ခဲ့ကြောင်းသိရသည်။
