ရန်ကုန်၊ (၂၄ရက်၊ မတ်လ၊ ၂၀၁၉ခုနှစ်)
မတ်လ ၂၄ ရက်တွင် ကျရောက်သော၂၀၁၉ခုနှစ် ကမ္ဘာ့တီဘီရောဂါတိုက်ဖျက်ရေးနေ့ ဗဟိုအဆင့် အခမ်းအနားကို ရန်ကုန်မြို့ တောင်ဒဂုံမြို့နယ်မြို့နယ် ခန်းမတွင် မတ်လ ၂၄ ရက်နေ့ ညနေ ၃နာရီမှ ၅နာရီ ထိ ကျင်းပပြုလုပ်ခဲ့ပါသည်။
ယင်းအခမ်းအနားသို့ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး ရန်ကုန်တိုင်းဒေသကြီး လွှတ်တော်ဥက္ကဌ နှင့် လွှတ်တော်ကိုယ်စားလှယ်များ၊ ဌာနဆိုင်ရာနှင့် NGO/INGO များမှ အကြီးအကဲများ နှင့် အများပြည်သူများ တက်ရောက်ခဲ့ကြပါသည်။
မြန်မာနိုင်ငံကျန်းမာရေးမှူး အသင်း အနေဖြင့်လည်း ပြည်သူလူထုအတွင်း တီဘီရောဂါနှင့် ဆိုင်သောဗဟုသုတများ တိုးပွားစေရန် တီဘီရောဂါအကြောင်းပြခန်းဖွင့်လှစ် အသိပညာပေးခြင်း၊ လက်ကမ်းစာစောင်များမျှဝေခြင်း၊ တီဘီရောဂါနှင့် ပတ်သက်သော မေးခွန်းများမေးမြန်းကာ လက်ဆောင်ပစ္စည်းများပေးခြင်းတို့ဖြင့် ၂၀၁၉ခုနှစ် ကမ္ဘာ့တီဘီရောဂါတိုက်ဖျက်ရေးနေ့တွင် ပူးပေါင်းပါဝင်ခဲ့ကြပါသည်။
ပြန်ကြားရေး/မြန်မာနိုင်ငံ ကျန်းမာရေးမှူးအသင်း
