ရန်ကုန် (မေလ ၂၀ ရက်၊ ၂၀၂၀ ခုနှစ်)

မြန်မာနိုင်ငံကျန်းမာရေးမှူးအသင်း (ရန်ကုန်တိုင်းဒေသကြီး) ပထမလေးလပါတ်အစည်းအဝေးနှင့် (Covid-19) ရောဂါကာကွယ်ထိန်းချုပ်ရေး လုပ်ငန်းညှိနှိုင်းအစည်းအဝေး ကို မေလ ၁၉ ရက်နေ့ နံနက်ပိုင်းတွင် ရန်ကုန်တိုင်းဒေသကြီး၊ အင်းစိန်မြို့နယ်ရှိ မြန်မာနိုင်ငံကျန်းမာရေးမှူးအသင်းရုံး(ဗဟို) ၊ ဦးထွန်းကြည်ခန်းမတွင် ပြုလုပ်ခဲ့သည်။

စစ်တွေ (ဧပြီလ ၂၈ ရက်၊ ၂၀၂၀ ခုနှစ်)
 
ရခိုင်ပြည်နယ်အတွင်းရှိ မြို့နယ်များမှ COVID-19 ရောဂါ စောင့်ကြည့်ခံရသူများ၏ နှာခေါင်း၊ အာခေါင် တို့ဖတ်နမူနာများကို ရန်ကုန်မြို့ရှိ အမျိုးသားဓါတ်ခွဲမှုဆိုင်ရာဌာနသို့ ပို့ဆောင်ရန် ဧပြီလ (၂၀) ရက်နေ့ ညနေပိုင်းက ကမ္ဘာ့ကျန်းမာရေးအဖွဲ့ (World Health Organization) မော်တော်ယာဉ်နှင့် လိုက်ပါလာစဉ် ပစ်ခတ်တိုက်ခိုက်ခံရခြင်းကြောင့် သေနတ်ဒဏ်ရာရရှိ၍ စစ်တွေမြို့ အထွေထွေရောဂါကု ဆေးရုံတွင် တက်ရောက်ဆေးကုသခံယူနေသည့် ပြည်သူ့ကျန်းမာရေးကြီးကြပ် (၂) ဦးအောင်မျိုးဦးအား မြန်မာနိုင်ငံကျန်းမာရေးမှူးအသင်းမှ သွားရောက်တွေ့ဆုံခဲ့ကြပါသည်။

မြန်မာသက္ကရာဇ် ၁၃၈၁ မှ ၁၃၈၂ ခုနှစ်သို့ ကူးပြောင်းသည့် နှစ်သစ်မင်္ဂလာအခါသမယမှစ၍ ပြည်သူ၊ပြည်သားအပေါင်း ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း မြန်မာနိုင်ငံကျန်းမာရေးမှူးအသင်းဝင်များကိုယ်စား ကျွန်တော်တို့ ဗဟိုအမှုဆောင်အဖွဲ့မှ ဆုမွန်ကောင်းတောင်းလျက် နှုတ်ခွန်းဆက် မေတ္တာပို့သအပ်ပါသည်။

ပြည်သူ့ကျန်းမာရေး ကဏ္ဍအသီးသီးတွင် တာဝန်ထမ်းဆောင်နေကြသော ကျန်းမာရေး ဝန်ထမ်းအားလုံးအား ကျေးဇူးတင် ဂုဏ်ပြု အပ်ပါသည်။ လက်ရှိ ကမ္ဘာ့နေရာအနှံ့အပြားတွင် ဖြစ်ပွားလျှက်ရှိသော Covid-19 ကူးစက်မြန် ကပ်ရောဂါ ထိန်းချုပ်ရေး လုပ်ငန်းစဉ်များတွင် ကျန်းမာရေးဝန်ထမ်းများအား ပံ့ပိုးကူညီပေးကြပါရန် ဖိတ်ခေါ်တိုက်တွန်းအပ်ပါသည်။

 

ရန်ကုန် (ဧပြီလ ၇ ရက်၊ ၂၀၂၀ ခုနှစ်)

မြန်မာနိုင်ငံကျန်းမာရေးမှူးအသင်းသည် ဌာနဆိုင်ရာ တာဝန်ရှိသူများ၊Decolgen ဆေးကုမ္ပဏီတို့နှင့် ပူးပေါင်းကာ (Covid – 19) ကြိုတင်ကာကွယ်ထိန်းချုပ်ရေး အတွက် လှိုင်သာယာမြို့နယ်၊ မြောက်ဒဂုံမြို့နယ်နှင့် အောင်ဆန်းမြို့ အတွင်းရှိ ကားမှတ်တိုင်များ၊ မီးပွိုင့်များတွင် Taxi သမားများ၊ YBS ကားသမားများ၊ ကားသမားများနှင့် ခရီးသွားပြည်သူများအား ပညာပေးလက်ကမ်းစာဆောင်များ၊ နှာခေါင်းစည်း Mask များ နှင့် Hand gel များ ဝေဌခြင်း စသည့် လုပ်ငန်းစဉ်များဆောင်ရွက်ခဲ့သည်။