အသက် (၂၇) နှစ်အရွယ် ကရင်အမျိုးသမီး နော်ရင်ကြည်ဟာ ပြီးခဲ့တဲ့ (၅) နှစ် (၂၀၁၅) ခုနှစ်ကတည်းက မြန်မာနိုင်ငံကျန်းမာရေးမှူးအသင်းနဲ့လက်တွဲပြီး ငှက်ဖျားရောဂါ ရှာဖွေညွှန်းပို့သူ စေတနာ့ဝန်ထမ်းအဖြစ် လုပ်ကိုင်ခဲ့တာဖြစ်ပါတယ်။ သူဟာ ကရင်ပြည်နယ်၊ ဖာပွန်မြို့နယ် အုန်းတောရွာမှာ နေထိုင်ပါတယ်။

(၅) နှစ်အတွင်း သူ ရှာဖွေညွှန်ပို့ပေးခဲ့တဲ့ ငှက်ဖျားလူနာရှင် အရေအတွက်ဟာ အမှတ်မိတော့လောက်အောင် များပြားနေပါပြီ။ ငှက်ဖျားလူနာရှင် ရှာဖွေညွှန်းပို့ပေးတဲ့ စေတနာ့ဝန်ထမ်းအဖြစ် အခုအချိန်ထိ ဘာလို့လုပ်ကိုင်နေဖြစ်သလဲလို့ မေးတဲ့အခါ သူမက သူ့ရပ်ရွာအတွက် အထောက်အကူဖြစ်လို့ပါ ဟု ပြန်ပြောပါတယ်။

ရန်ကုန် (သြဂုတ်လ ၅ ရက်၊ ၂၀၂၀ ခုနှစ်)


အမျိုးသားအဆင့်သိပ္ပံ၊ နည်းပညာနှင့် ဆန်းသစ်တီထွင်မှုမူဝါဒနှင့် မဟာဗျူဟာများ အကောင်အထည်ဖော်နိုင်ရေးအတွက် Round Table Discussion (Online) ကို သြဂုတ်လ (၅) ရက်နေ့ နေ့လည်ပိုင်းက ကျင်းပပြုလုပ်ခဲ့ပြီး မြန်မာနိုင်ငံကျန်းမာရေးမှူးအသင်း(ဗဟို) ဥက္ကဋ္ဌ ဦးမြသွင် ပါဝင်ဆွေးနွေးခဲ့သည်။

မိတ္ထီလာ (ဇူလိုင် ၂၇ ရက်၊ ၂၀၂၀ ခုနှစ်)

မိတ္ထီလာခရိုင် မြန်မာနိုင်ငံကျန်းမာရေးမှူးအသင်း အစည်းအဝေးကို ဇူလိုင်လ (၂၅) ရက် နံနက်ပိုင်းက မလှိုင်မြို့နယ်ပြည်သူ့ကျန်းမာ‌ရေး ဦးစီးဌာန အစည်းအဝေးခန်းမ၌ကျင်းပခဲ့ပါသည်။

ရန်ကုန် (ဇူလိုင်လ ၁၈ ရက်၊ ၂၀၂၀ ခုနှစ်)

မြန်မာနိုင်ငံကျန်းမာရေးမှူးအသင်း (ဗဟို) ဥက္ကဋ္ဌ ဦးမြသွင်နှင့် အဖွဲ့သည် ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးအား သွားရောက်တွေ့ဆုံခဲ့ပြီး မြန်မာနိုင်ငံကျန်းမာရေးမှူးအသင်းမှ လုပ်ကိုင်ဆောင်ရွက်နေသော စီမံချက်လုပ်ငန်းများ၊ နိုင်ငံ့ဝန်ထမ်း ကျန်းမာရေးမှူးများ၏ လုပ်ငန်းခွင် တာဝန်ထမ်းဆောင်မှု အခြေအနေများနှင့် ပတ်သက်ပြီး ဆွေးနွေးတင်ပြခဲ့ကြသည်။

နေပြည်တော် (ဇူလိုင်လ ၁၃ရက်နေ့၊ ၂၀၂၀ ခုနှစ်)

ကျန်းမာရေးနှင့်အားကစားဝန်ကြီးဌာန နှင့် မြန်မာနိုင်ငံကျန်းမာရေးမှူးအသင်းတို့ ပူးပေါင်း၍ ပြည်သူ့ကျန်းမာရေးဦးစီးဌာန ၊ တိုးချဲ့ကာကွယ်ဆေးထိုးလုပ်ငန်း၏ နိုင်ငံတစ်ဝန်း ကာကွယ်ဆေးလွှမ်းခြုံ စစ်တမ်းကောက်ယူမှု စီမံချက် ( National Vaccination Evaluation Survey ) သက်တမ်းတိုး လက်မှတ်ရေးထိုးခြင်း အခမ်းအနားကို ဇူလိုင်လ (၁၃) ရက်နေ့တွင် နေပြည်တော်ရှိ Hotel Max တွင် ပြုလုပ်ခဲ့သည်။